MUTA Restaurant by ATUM (已結業)

外面望落似西式cafe，入到去要先知要除鞋再坐係榻榻米蒲團坐墊上，再加上木色同白色裝修，簡約又素爭，非常有日式嘅風格。松露芝士薯條。蛋黃醬薯條金黃香脆，松露唔只係粉而真係見到一粒粒嘅黑松露碎，香味更加濃郁，食膩咗點上蛋黃醬亦有另一種風味。煎海老。蟹肉餅。青芥末蛋黃醬煎海老肉質結實又大隻，淡淡都係鮮甜嘅蝦肉，十分滿足。蟹肉餅非常足料，見到一絲絲嘅蟹肉，食落香料味好重，可配上青芥末蛋黃醬。北海道帶子。明太子奶油燉飯厚身嘅北海道帶子煎得啱啱好，入面剛好熟透唔過火，奶油燉飯係偏西式，飯質較硬有咬口，醬汁嘅奶油非常順滑食到淡淡明太子嘅鹹香，仲有粒粒脹卜卜爆汁嘅三文魚子。法式奶油多士。鮮果。楓糖。鮮奶油平時食得多西多士，今日終於有機會試到佢嘅原型！話明係法式用嘅麵包當然係長條型法包，法包表面有層蛋漿，煎到金黃色外脆內軟，酥脆的外皮塗上鮮奶油，再淋上糖漿，鮮果以莓類為主，有草莓、紅莓同藍莓，酸酸哋令到整個甜品唔會太膩。