和匠日式燒肉店

營業中

休息中

今日雖然係星期一，都有好多人黎食野啊！好彩都唔洗排好耐隊咋~ 蕃茄配沙律醋既沙律，食主食前都鐘意食返個沙律，健康又醒胃！豚肉片-唔好睇佢白色部分好似好多肥膏，但其實肥肉同瘦肉的部分比例岩岩好，唔會太肥膩亦唔會太瘦而“鞋“口，好有層次感，燒香左的豚肉片充滿油香，一啖一塊好滿足，唔洗加醬都已經好好食，呢個必食！切成一粒粒既牛肉粒，一邊兜炒至熟，我鐘意個面燒到有啲香脆，一啖一粒，瞬間被吃光！雞肉，燒既時間要耐少少，雞肉都好嫩口，加埋啲芝麻醬更加好食！仲有仲有，大過我手掌既深海老虎大蝦，必食必食必食！超級大隻啖啖肉，食左好耐先食得完，唔好唔記得，食埋蝦頭位置牙膏好甘香，勁滿足啊！今餐食到好飽好滿足，下次一定要再帶埋屋企人黎再食過👍👍👍😋