Beefar's 鹿兒島燒肉

營業中

休息中

本身諗住食海鮮，但行開尖沙咀見到有間燒肉餐好抵食。Beefar’s鹿兒島燒肉主打由當地出產及直送的薩摩和牛和牛清湯配橫隔膜薄切肉質軟嫩、多汁，味道濃郁，切成條狀，燒烤又得，放入清湯又食到牛肉的甜味，過程很有玩味。我們覺得食得起興，想再叫，見到餐牌上尊享個人體驗晚餐，有半價優惠，每位$268，正呀套餐好豐富包括精選沙律、海膽鱈魚脆脆、蜆肉味噌湯、6款和牛燒肉拼盤、珍珠米飯、任食日本雪糕，再唔夠都可以加錢叫其他肉。海膽鱈魚脆脆，層次香脆食到鱈魚香，海膽金黃鮮甜，呢個前菜很奢華。味噌湯好足料，蜆肉鮮甜。和牛燒肉拼盤，有6款肉，有貝肉身，三筋肉薄燒，牛後腿肉，澳洲和牛三角腩，澳洲和牛西冷，澳洲和牛西冷。肉質相當唔錯，肉色粉嫩，三筋肉輕輕一燒再捲起，攪拌蛋汁，再一齊食就相當香滑。食到尾要留肚食日本雪糕，都好大杯，選擇有4款，綠茶麻糬有口感，煙韌又重茶味。