和牛燒肉一郎 (新都城中心二期) (已結業)

嘩嘩嘩😎😎😎今次食牛燒肉一郎，見食評一向都唔錯，即興去食，可能平日，唔使等位即刻可以入座。有日式燒肉放題，限時120分鐘，A-D 餐可以揀，價錢由$298至$888不等（未計加一服務費），有平有貴，價錢唔同牛肉質素當然唔同。叫咗C餐日本黑毛和牛，點完餐，好快有唔同款嘅牛肉，豚肉，雞肉擺到靚靚咁上菜，打卡一流！有咁多款主要係俾你試食唔同口味，之後可以再根據自已鍾意食口味再落單，如果一開始唔想食佢擺盤嘅肉類，可以係點餐前講定！和牛肉眼肉質入口即溶，肉嘅紋路肥瘦相間，食落口停唔到！和牛西冷，牛肋肉，新鮮好味，燒耐咗唔會太韌，好味！🤤🤤🤤如果食牛食到有啲膩，仲有海鮮，豚肉，雞肉，蔬菜菇類揀。自助吧枱有雪條，罐裝汽水，果汁咖啡提供，加$68蚊啤酒任飲。環境舒適，落單後好快送到，絕少漏單，勁擦一餐，滿足👍