和牛燒肉一郎 (寶漢大廈) (已結業)

日式燒肉放題嚟講，和牛燒肉一郎都算係我近期嘅最愛，首先佢性價比高不特止，牛肉有質素保證💓甜品區、沙津區同飲品區都好多選擇，有多款排毒健美果茶同埋果汁、氣水🥰今次同朋友試咗小舟·盛盒，有爽口嘅雞肉、彈牙嘅豬肉、牛肋條同牛肋肉油花分布均勻，前者肉質煙靭，後者Juice彈牙，而牛里脊肉就好嫩滑，款牛肉味都好濃郁又香滑👍🏻扇貝同埋大蝦同魷魚都好鮮甜，仲有野菜可以中和一下肉類嘅味覺😋難得嚟到梗係要試吓和牛🤩橋·盛盒有和牛牛肋肉同埋和牛里脊肉，油花超靚勁吸引，好似去咗日本食牛肉咁😍燒完已經聞到好香，入口即溶而且牛肉味好濃郁！超正👍🏻壺漬牛肋肉好入味，甜甜地肉質扁淋好有口感。一口牛同埋牛外橫膈膜都好好味，仲有當然唔少得我最愛嘅兩色蔥花牛舌😍有香蔥同埋蒜蓉兩種口味，再配埋薄切嘅牛舌一齊燒，一啖食入口真係超正🤩 薄切上等牛舌芯牛味更加香濃爽口。最後食埋雪條做甜品，真係好滿足嘅一餐