影片
更多
2018-07-15
226 瀏覽
行街落大雨被困希慎，晚餐唯有在此解決。經過「Kikusan」，睇睇menu，原來係間日本X上海菜餐廳，兩者擺埋一齊的確有點新奇，不過菜式又唔算好fusion，大部分都係各自為政。至於點解決定食呢間？全因見到一道菜：湯咖喱。因為太掛住北海道，所以都不用多想就乖乖等位。餐廳環境幾闊落，仲有少少情調，感覺似西餐廳多點。因為同時賣上海同日本菜，所以會見到好多枱食住壽司同時又見到小籠包，都幾得意。我嘛，當然二話不說點了豚角野菜湯咖喱配飯（$88），睇賣相係幾靚，蔬菜好多，有苦瓜、秋葵、茄子、青瓜、南瓜、蓮藕、椰菜同西蘭花，配以一大舊豚角煮（五花腩），陣容好鼎盛。先講材料，眾多的蔬菜都有其鮮甜味，最最最得我心就係西蘭花，話說在北海道食左幾餐湯咖喱，每一餐都有舊炸過的西蘭花，係好食到我要另外追加，所以係呢碗湯咖喱都見到，分外有親切感，即時加分。雖然，西蘭花只係輕輕炸過，但都叫做有風味。豚角煮近皮的位置一咬就化，但瘦肉部分始終有少少鞋，不過仍算合格。到最重要的湯底，咖喱湯冇日本咁稀（可能驚香港人唔慣），味道都充滿香料味，但總覺得帶點印度風味，而且偏辣（冇得選辣度），唔食得辣者要注意一下。Kikusan
餐廳環境幾闊落，仲有少少情調，感覺似西餐廳多點。因為同時賣上海同日本菜，所以會見到好多枱食住壽司同時又見到小籠包，都幾得意。
我嘛，當然二話不說點了豚角野菜湯咖喱配飯（$88），睇賣相係幾靚，蔬菜好多，有苦瓜、秋葵、茄子、青瓜、南瓜、蓮藕、椰菜同西蘭花，配以一大舊豚角煮（五花腩），陣容好鼎盛。先講材料，眾多的蔬菜都有其鮮甜味，最最最得我心就係西蘭花，話說在北海道食左幾餐湯咖喱，每一餐都有舊炸過的西蘭花，係好食到我要另外追加，所以係呢碗湯咖喱都見到，分外有親切感，即時加分。雖然，西蘭花只係輕輕炸過，但都叫做有風味。豚角煮近皮的位置一咬就化，但瘦肉部分始終有少少鞋，不過仍算合格。到最重要的湯底，咖喱湯冇日本咁稀（可能驚香港人唔慣），味道都充滿香料味，但總覺得帶點印度風味，而且偏辣（冇得選辣度），唔食得辣者要注意一下。
Kikusan最人氣菜式必要數Kikusan卷（$72），因為CP值真係幾高，大約8小件卷物上面鋪滿左吞拿魚蓉同海膽，仲有旁邊的三文魚籽。雖然平，但材料都算足同新鮮，起碼海膽鮮甜冇腥味，加埋卷入面有青瓜，非常清新，可化解一下其他菜式的濃濃味道，必點。
全店最fusion的應該係呢個千層豬扒擔擔拉麵（$72），雖然上海都有排骨擔擔麵，但呢度配日式的千層炸豬扒又幾新穎。擔擔麵雖然不能同傳統上海麵店的媲美，但已經合格有餘，有花生香，湯底濃郁，不過同樣偏辣，要量力而為。麵條都好爽身，幾好食。只係豬扒質素一般，唔夠juicy，而且浸在湯中個脆皮好快變腍，如果分開上會好d。
佢其實仲有好多菜式，有串燒、小籠包、抄手等等，有機會都想試埋，始終以位置、環境黎講，已經算幾抵食，可以再回頭。
29 瀏覽
0 讚好
0 留言
21 瀏覽
0 讚好
0 留言
15 瀏覽
0 讚好
0 留言
張貼
