HIKARI

荃灣鬧市中的木系咖啡室 🪵☕️🏠 喺熙來攘往嘅荃灣廣場對面，充斥着好多食肆，其中一間好養眼👀嘅咖啡室，就係Hikari，日文代表光💡嘅意思，係鬧市中，可能係一個讓人喘息嘅空間。呢到樓底好高，空間感大，的確讓人鬆一口氣😇小食有「香草蕃茄醬燴西班牙黑毛豬肉丸🍅🐽」黑毛豬肉丸食得出係本店人手製作，別具心思，食落彈牙爽口既同時，肉汁湧滿口腔！香草蕃茄醬酸甜開胃，作為前菜係唔錯嘅選擇😆👍🏻主菜有「日本櫻花蝦蟹肉蘆筍扁意粉🦐🍝」海量既櫻花蝦，好足料，咸香味濃；意粉軟硬適中，好掛汁；成個菜式食落好有層次；份量仲好多，咁好味，梗係輕鬆食哂成碟！😍「慢煮鹿兒島豚肉眼香草蕃茄汁馬鈴薯🥔🐽」呢個特別想試吓，因為出邊好少Cafe會有馬鈴薯團子粉食😍 咬落Q彈有韌度；成粒包住香草蕃茄汁，口感味道豐富😛我哋仲叫咗杯熱竹炭咖啡，拉花好靚，咖啡順滑香濃，微微嘅竹炭味，配合得唔錯 ☕️ 總括而言，我覺得呢度嘅菜式比較特別，有別於一般嘅咖啡室，嚟荃灣既話值得一食！😝