影片
更多
2016-07-30
1617 瀏覽
我最鍾意食日式拉麵架啦，今日晏晝同同事喺灣仔發現一間正宗日式拉麵就入去試吓啦！雖然間鋪頭裏面人山人海，但係我哋基本上一去到就可以入去啦，完全唔使等！間鋪頭都算係幾大，好多係附近返工嘅人都嚟呢度食飯，裏面仲真係請左啲日本人喺度做野添呀！睇下個Menu先，咁Menu上面就有八款拉麵，款款個買相睇落都唔錯，而我最後就揀咗3號嘅Chicken Soup Remen再加一支可樂! 落左單等咗大概10分鐘個拉麵就嚟啦！個樣睇落同Menu張相都差唔多，但分量不多，我呢個已經加左底（加$12）食落亦一般，味道大概有6-7分左右啦，湯底唔係好夠濃味，亦冇咩特別，不過係灣仔區＄100個拉麵算係咁架啦！整體來講，如果係為咗食晏唔使等位或者趕時間，都可以考慮下呢度嘅，但係如果真係想食啲正宗嘅拉麵或者一啲好食啲同特別啲嘅嘢，附近就仲有好多其他更加好嘅選擇喇！
睇下個Menu先，咁Menu上面就有八款拉麵，款款個買相睇落都唔錯，而我最後就揀咗3號嘅Chicken Soup Remen再加一支可樂!
落左單等咗大概10分鐘個拉麵就嚟啦！個樣睇落同Menu張相都差唔多，但分量不多，我呢個已經加左底（加$12）食落亦一般，味道大概有6-7分左右啦，湯底唔係好夠濃味，亦冇咩特別，不過係灣仔區＄100個拉麵算係咁架啦！
Chicken Soup Remen
$88
85 瀏覽
0 讚好
0 留言
張貼
