高知城

營業中

休息中

最近見到銅鑼灣新開左一間居酒屋叫做高知城，店內環境充滿日式風情，感覺置身日本居酒屋之中，呢度有清酒任飲放題，當晚共有4款清酒可以無限暢飲，真係可以飲到夠為止！當晚仲點左好多刺身壽司等食物，都覺得好好食啊🔸拖羅蓉海膽杯必點呢個奢華海膽杯！賣相靚靚，由馬糞海膽+拖羅蓉+三文魚籽組成，海膽鮮甜味美，周邊鋪上滿滿三文魚籽，底層有拖羅蓉及壽司飯，鮮味滿溢，令人回味無窮🔹高知縣水果蕃茄蕃茄香甜juicy，配搭醬汁食清新開胃🔸時令5點刺身刺身都新鮮而厚切，金目雕經炙燒過，魚皮略脆帶有焦香氣，魚肉味道鮮美，肉質柔嫩！油甘魚食落帶有甘甜味，魚油香氣濃厚！拖羅油分恰到好處，入口無筋又甘香！薄造魚片顏色白色帶紅既鮮魚片，肉質細膩加上少少爽彈口感。海膽味道濃厚甘甜，回甘強，淨食又得，搭配紫菜食又多層口感！🔹特選壽司8件壽司分別有醬油漬赤身、金目雕、深海池魚、手釣池魚、鰆魚、穴子、三文魚籽同拖羅，每件壽司上面既刺身都好厚切，件件入口飽滿又鮮味，口感十足🔸串燒串燒燒得乾身又惹味，白鱔燒到外皮香脆，肉質肥美！薩摩和牛串好juicy又勁香牛味，超級好食！仲點左雞胸軟骨串同埋黑豚腩肉大蔥串，同樣燒得好香口！另外加點左蔬