樂酒場 がくさかば

營業中

休息中

呢到位置好方便，行完K11見到就試試佢。最吸引係個環境，好有係日本居酒屋既感覺! 見到佢呢到出名牡蠣，就叫左酒蒸牡蠣，有6隻。D牡蠣超大隻，好鮮甜。鐘意既話仲可以試一試個酒湯，不過要小心個底可能有D蠔殼。樂酒肴前夕都幾精緻，有枝豆，有鵪鶉蛋，同埋有吞拿魚漬芝士。個芝士出奇地夾，感覺幾岩配酒食。剌身5點盛好壯觀，有好厚肉既三文魚，有帶子，有吞拿魚，有海膽。海膽都好甜! 刺身整體感覺係新鮮! 三文魚親子沙律，有三文魚籽，個醬汁係醋，所以幾開胃，仲有D脆脆，多番個口感。黎到都想食D串燒，叫左夢幻燒鳥盛合 ，有6串。雞皮超香口，好食! 仲有味噌豬肉，同埋雞軟骨。雞軟骨同平時食開既唔同，但食落比較多肉，幾好。另外，仲有雞翼，都不過不失。野飲叫左菠羅梳打同埋巨峰提子梳打，幾好飲!!