影片
更多
2021-05-18
36 瀏覽
喺尖沙咀搵食，見到呢間店鋪門口都幾有特色，入到去似去左日本嘅居酒屋，環境算係幾優雅嘅樓上鋪。先點左幾款刺身同壽司，擺盤同賣相都幾精緻，其中赤身($98/2片)同金目鯛魚刺身($118/2片)都非常鮮味，解雪做得剛剛好，而壽司飯都唔只係白飯，係用溝咗醬油嘅飯製成。安格斯牛肉薄燒($158)份量幾多，兩個人食都好夠分。好多時平時食到嘅牛肉燒會包住金菇等食材，但呢度嘅做法係將安格斯牛博燒包住一堆蔥，鍾意食蔥嘅我來講就十分搭配。安格斯牛薄片食出牛味，粒粒細蔥亦為呢道菜增添一啲口感。鮑魚雞翼($78)平時食日本放題多數都會有雞翼餃子，但係雞翼裏面饟鮑魚就真係第一次試，食落嘅感覺幾新鮮同特別，但係價錢就唔算特別抵食。厚牛舌($52)&鹿兒園黑豚蘆筍卷($42)厚切牛舌非常肥美，食落又唔會過韌，牛舌嘅表面有一層牛嘅油脂包住；而蘆荀卷就以薄切黑豚肉包住蘆筍，燒得夠香口，賣相兩款都好靚。鯛魚湯鍋燒烏冬($148)有濃濃嘅鮮魚湯味，味道無乜腥味，望落去湯夠清，唔會似平時魚頭湯果種油膩嘅感覺；而烏冬都用左扁身果款，入口幾煙韌，係一款幾清新又暖胃嘅選擇。黑胡麻&豆腐雪糕($28/each)黑胡麻雪糕嘅味道幾夠
先點左幾款刺身同壽司，擺盤同賣相都幾精緻，其中赤身($98/2片)同金目鯛魚刺身($118/2片)都非常鮮味，解雪做得剛剛好，而壽司飯都唔只係白飯，係用溝咗醬油嘅飯製成。
安格斯牛肉薄燒($158)
份量幾多，兩個人食都好夠分。好多時平時食到嘅牛肉燒會包住金菇等食材，但呢度嘅做法係將安格斯牛博燒包住一堆蔥，鍾意食蔥嘅我來講就十分搭配。安格斯牛薄片食出牛味，粒粒細蔥亦為呢道菜增添一啲口感。
鮑魚雞翼($78)
平時食日本放題多數都會有雞翼餃子，但係雞翼裏面饟鮑魚就真係第一次試，食落嘅感覺幾新鮮同特別，但係價錢就唔算特別抵食。
厚牛舌($52)&鹿兒園黑豚蘆筍卷($42)
厚切牛舌非常肥美，食落又唔會過韌，牛舌嘅表面有一層牛嘅油脂包住；而蘆荀卷就以薄切黑豚肉包住蘆筍，燒得夠香口，賣相兩款都好靚。
鯛魚湯鍋燒烏冬($148)
有濃濃嘅鮮魚湯味，味道無乜腥味，望落去湯夠清，唔會似平時魚頭湯果種油膩嘅感覺；而烏冬都用左扁身果款，入口幾煙韌，係一款幾清新又暖胃嘅選擇。
黑胡麻&豆腐雪糕($28/each)
黑胡麻雪糕嘅味道幾夠濃郁；而豆腐雪糕就相對清新得多，同埋甜度較黑胡麻清淡，有濃濃豆味，想食我咁甜嘅就岩哂。
張貼
