岩鹽日本料理 (MOKO新世紀廣場)

營業中

休息中

今日係旺角行街，行到三點鬆啲開始覺得肚餓，周圍揾野食，記得之前經過見到呢間日本野睇落幾吸引，所以就去左新世紀食。一去到見到寫住午巿到三點，本身仲諗住去第二間，不過店員話仲有午巿，所就入左去。叫左個火炎壽司定食同北海三色丼，每個餐除左主食食之外，都仲有沙律，燉蛋，面豉湯同一杯飲品，非常之豐富！壽司定食有好多唔同款，而且啲材料食落都幾新鮮，三色丼一樣，有帶子，蟹籽同海膽，佢啲海膽食落有甜味，唔會好腥，價錢黎講都算可以接受。