夢工房西日料理 (已結業)

今日同家人再次到葵芳食日式放題，來到時發現有新款推介，就是磯燒放題。我地就選擇了機燒放題，店員先送上一個輕巧燒烤爐，跟著送上海鮮拼盤，有活蠔，扇貝，蟹蓋味噌燒。呢盤海鮮都好新鮮，放在燒烤爐上燒一會兒便食得。尤其蟹蓋味噌燒都幾特別，先要攪勻後才燒，味道都幾好食，另外可以追加其他海鮮，有大赤蝦，魷魚筒，清酒煮蜆和蔬菜等。都幾似韓式燒烤。大赤蝦好大隻，肉質紥實，爽彈鮮甜，只欠辣豉油。食完一輪海鮮後，都要食下刺身。三文魚肥美，甜蝦夠大隻鮮甜，立魚入口即溶，八爪魚刺身爽口鮮甜，蟹棒新鮮有口感。另外仲叫左一碟天婦羅，有茄子，大蝦，松葉蟹棒，蕃薯等外面是一層金黃色炸綱，入口溶化。都幾好食。另外我地選了些楊物試下，榴槤炸彈和麥樂雞呢兩樣係我喜愛食物。榴槤炸彈有小許榴槤味，外脆內軟錦錦。麥樂雞肉質有嫩滑。最後係食甜品，推介焦糖布丁，蛋幼滑配上濃郁焦糖。口感不錯，但偏甜，吃一兩杯已足夠。另外提提大家再加88元就可以食到即開生蠔和蟹任食。