米気

營業中

休息中

今日襯晨早打保齡後，就同朋友們黎到黃埔人氣日式餐廳米気朝聖！呢度主打一汁多菜，無論前菜、主菜、冷熱盤及甜品，甚至飯都有無數選擇。如果有選擇困難症的朋友，一定唔識點揀！今次想試多D餸菜，所以選擇左醬油蛋飯，個飯上面的蛋黃一睇就知係日本蛋黃，加埋日本豉油撈飯已經夠晒好食。前菜係松葉蟹薯仔沙律，份量其實都幾多，沙律除左蟹肉及薯仔外，仲有青瓜絲，味道清新D，不過未算好驚喜。熱盤係北海道芝心粟米球，炸得唔算香脆，不過粟米味好出，加埋餡內的芝心，好似食緊濃郁的粟米湯感覺，都算特別。之後蔥燒牛舌，牛舌好嫩滑，味道亦餣得好，加埋上面的蔥花，都應該「送」到幾碗飯。最後係主菜月見博多地雞團子，睇個名根本唔知係乜，好彩仲叫有圖，大約估到係咩黎。加上朋友加持，咁就嗌黎試下啦！首先賣相都幾吸引，尤其中間的蛋黃。我本身好鐘意日式雞肉棒串燒，最重要加埋蛋汁，食落去會覺得好滿足。呢道菜都有呢種感覺，而地雞團子個質感幾特別，外皮脆而入面係免治雞肉，再加上蛋汁就perfect池！總結黎講，每道菜都有佢的特色，而味道又屬於中上，視覺效果亦佳，仲有咁多選擇，值得推介俾大家試吓！