日常素食 (已結業)

每年都會去黃大仙廟拜拜神，之後就會食下素食。剛好去到黃大仙廟附近商場就有一間素食餐廳，仲可以自助式，餐廳起商場內不算大，食物品種還算可以。因為行左一日好口渴，見到有羅漢果茶，倒左杯試吓，味道濃濃的羅漢果，熱熱的，飲完感覺喉嚨舒服曬。仲有烏龍茶，好有茶香味。旁邊就放有素湯，雖然沒有肉類，但湯還是清甜的。雖然我對素食興趣不大，但偶然試試也無妨。素食離不開都係菜或模仿肉類製品。不過今次我比較鍾意食素蘿蔔糕，好多蘿蔔，味道好香。仲有飯後甜品紫米西米露，不會太甜。椰汁糕以及桂花糕都好好味。偶然清淡一點也不錯👍🏾