影片
更多
2018-03-01
111 瀏覽
由於我都有食日式燒肉既習慣，加上女朋友都有一定要求既味道追求，所以今日同女朋友專誠去佐敦一間叫和匠，呢間我有情意結，事關我前一份工作同呢間燒肉店有合作關係，所以一心去試。首先呢間店舖既燈光好配合室內裝潢，淡淡黃光燈特顯到室內既和風木傢俱，坐底之後馬上有侍應招呼我地，我自己都喜歡食牛類肉食，外加侍應哥哥好詳細介紹餐點，服務態度跟台灣日式燒肉店不遑多讓，思前想後，最終點左以下幾道。１. 兩杯飲料，分別蜜瓜特飲 水蜜桃特飲，個人意見最佳飲法等所有冰溶解味道一絕２. 前菜，芥辣八爪魚 份量足夠，芥辣既味道，辣度微微，再加冷凍既八爪魚，有開胃效果３. 沙律，蕃茄沙律醬汁味道帶有柚子油醋，蕃茄以薄切方式呈上，特別師傅刀工有一定水準，外加粟米甜味中和微酸，唔會有愈食愈酸感覺，擺盤方面師傅有舖排，唔會有雜亂無章感覺，吸晴４. 燒肉部分，薄切黑豚去皮腩片，當有燒肉食材呈上時候，侍應哥哥都會好詳細教我同我女朋友點樣網燒而最好食，味道一絕，個人意見當腩片單面燒到脂肪位到半透明狀態就可以翻轉背面再燒，食既時候唔洗點任何醬汁，原始味道始終最好。侍應哥哥怕影響我地味覺，專誠幫我地換新既碟，服務態度真細心。頂級
首先呢間店舖既燈光好配合室內裝潢，淡淡黃光燈特顯到室內既和風木傢俱，坐底之後馬上有侍應招呼我地，我自己都喜歡食牛類肉食，外加侍應哥哥好詳細介紹餐點，服務態度跟台灣日式燒肉店不遑多讓，
思前想後，最終點左以下幾道。
１. 兩杯飲料，分別蜜瓜特飲 水蜜桃特飲，個人意見最佳飲法等所有冰溶解味道一絕
２. 前菜，芥辣八爪魚 份量足夠，芥辣既味道，辣度微微，再加冷凍既八爪魚，有開胃效果
３. 沙律，蕃茄沙律醬汁味道帶有柚子油醋，蕃茄以薄切方式呈上，特別師傅刀工有一定水準，外加粟米甜味中和微酸，唔會有愈食愈酸感覺，擺盤方面師傅有舖排，唔會有雜亂無章感覺，吸晴
４. 燒肉部分，薄切黑豚去皮腩片，當有燒肉食材呈上時候，侍應哥哥都會好詳細教我同我女朋友點樣網燒而最好食，味道一絕，個人意見當腩片單面燒到脂肪位到半透明狀態就可以翻轉背面再燒，食既時候唔洗點任何醬汁，原始味道始終最好。侍應哥哥怕影響我地味覺，專誠幫我地換新既碟，服務態度真細心。
頂級牛小排，落網燒到肉面冒出血水就可以翻轉背面，我個人喜歡食五成熟，所以背面燒多一兩分鐘就可以食，味道微鹹，口感稔滑，肉汁相當多，唔會有咬紙皮感覺，一絕
頂級牛柳粒，落裝後要不停翻轉，我比較喜歡快速，直接有少少網炒，最後有焦面就可以食，味道不輸牛小排，多一層脆口感覺
海蝦，由於燒海鮮係我最弱一環，好在有侍應哥哥代勞，事前師傅有開邊以及將蝦腸取出，落網燒可以等蝦盡快燒熟，可見師傅對食客有誠意，等食客知道蝦肉幾時熟透，開邊後蝦殼更易取出，味道爽甜，有滿足感
５. 鰻魚炒飯， 份量相當足夠，二人份量，切碎鰻魚再加紅蘿蔔及青椒碎，色彩的確一流，如果將青椒碎改為洋蔥碎，味道更上一層樓
最後要多謝服務過我同我女朋友既侍應朋友，因為佢地任何食客都會用好熱心既態度去服務任何一位，上至點菜，下至茶水服務，都關懷備至，連燒肉方法都會不厭其煩去教導，連最後我地離開侍應哥哥都幫我地開門，
相信好快我地會再食，因為咁好既服務態度足以令我地再去。
張貼
