上戶酒場 (已結業)

今天同阿女到九龍城，肚餓遇上驟雨，走進該店。第一個印象係店員親切有禮，迅速安排好座位，又俾傘袋我地。係我地放好BB座椅時，超抱歉要店員捧著熱茶熱水係後面耐心等待。服務真係值120分！講番食物，我地飢腸漉漉，亂點一通。比較有印象嘅食物有：煙薰腩肉：肥而不膩，瘦而不柴，果木香焦香肉香兼而有之，高質。煙薰芝士薄餅：餅皮唔厚，芝士濃郁，配合上煙薰氣味，送酒一流。青蘋果蟹籽沙律：爽脆小清新，比起青瓜更好。火炙左口魚邊壽司：好食到要encore。唯握壽司飯可以再粘一些，可能是蒸飯或米：醋比例的問題。香蒜三文魚炒飯，阿女清左一半，香口乾身魚味濃，正。其他菜餚酒水水準不俗，在此不一一詳述。整體來講很好👍🏻