億饍 (已結業)

朋友相約星期日於旺角吃飯，食飯之前我哋就去咗油麻地附近嘅玩具城行街。今次當然又係買到一袋二袋，收穫豐富，由於太多嘢嘅關係，所以去唔到太遠食， 我哋就去咗附近嘅一間，菜館，地點方面都幾唔錯，因為佢離地鐵站只有短短嘅三分鐘路程，啱曬我哋呢啲買完嘢嘅人。佢喺一棟大廈嘅樓上，冷氣十足。夏天去到一流， 至於座位方面都幾舒適，入面個環境好有越南嘅感覺，不過最重要都係侍應有禮貌，唔會因為我哋一袋二袋，又唔係食得多而黑面。先點了泰式鮮炸蝦餅， 炸得香脆可口，外面香脆，入口彈牙，師傅功架十足，另外值得讚賞嘅，就係完全唔油膩，精神層面上面仲覺得自己健康咗。主食泰式原個菠蘿炒飯， 原個菠蘿咁上， 其實冇咩特色，不過佢入面竟然係用鮮菠蘿，唔同出街用罐頭菠蘿頂替，另外分量方面夠曬兩個人食。下次都會再來，不過下次要試燉湯，因為我見店員都好推介。