Nardo's Cafe (已結業)

非常鍾意去樓上Cafe食晚餐 除咗嘢食大大份之餘 仲會有好多唔同嘅小遊戲 可以同朋友增進友情 而且慢慢坐慢慢傾都冇問題今次嚟到旺角呢一間以紅色作為主調嘅餐廳 餐廳簡單得來亦都有好多細節位 包括左可以打卡嘅模型櫃 我哋坐咗喺窗邊嘅位置 望落街景都幾舒服首先我哋叫咗一個凱撒沙律 分量完全對得起價錢 三文魚都幾新鮮 沙律配菜包括左右青瓜生菜仲有小蕃茄 清爽得來又幾豐富然後我哋叫咗個西班牙海鮮焗飯 開頭點嘅時候完全唔知西班牙嘅風味 紅色嘅醬汁 食落去酸酸甜甜 加上海鮮亦都有好多 有鮮蝦同埋魷魚 非常豐富 麵條都好有彈性接落嚟我哋仲叫咗一個吉列海鮮拼盤 覺得派對或者聚會裏面食炸嘢都開心啲 裏面嘅炸帶子非常好食 仲有蟹棒 啱啱炸出嚟熱辣辣 值得推薦蜜糖雞翼亦都係我嘅最愛 先係將雞翼嘅兩面煎得金黃 再用蜜糖嘅醬料炮製 外面脆脆地 一路玩遊戲一路食 都幾正飲品方面好推薦大家飲皇后 特別點左咁多炸嘢食 依一杯飲品青蘋果味都幾突出 加上有乳酸 感覺都幾清新