吉壽日本料理 (已結業)

旺角吉壽係放題入面，位置方便，食物質素幾好聞名，一出旺角站上樓就到。餐廳新裝修，加設左沙律吧、甜品區等，唔洗點，自己夾，仲方便，而且枱櫈都好新淨，坐得好舒服~蜜汁蝦蝦既size 都比較大隻，外層有甜甜既蜜糖包住，賣相好靚，食落都好味㗎，蝦肉肉質彈牙，而且多肉，幾好味牛肉窩與一般日式料理既牛肉窩冇大分別，以燒汁為湯底，而且牛肉都算滑，而且牛肉味不俗，配料配撘不錯，有金菇、娃娃菜等，配料新鮮，好味醬燒雞翼燒雞翼，我鍾意食，我好鍾意食雞翼，呢個醬燒雞翼冇令我失望，外皮脆卜卜，內裏熱辣辣，而且調味啱啱好，正迷你蒜子雞煲賣相好得，堅用個迷你煲，而且蒜子味好香，雞肉都算滑，味道同出面食開既雞煲冇大差別，味道香濃，而且放入迷你煲內，可以保溫燒菠蘿近黎菠蘿當造，所以每片菠籮都好甜，好多汁，酸酸甜甜咁，非常開胃其實之前都黎過吉壽食，不過今次裝修後就第一次黎，完全有另一番體會，坐得舒適，食得開心，而且食物質素好，下次一定會再去。