影片
更多
2016-10-05
425 瀏覽
一聽落去個名就似曾相識，就係一場戲個名，究竟呢出戲同埋一間餐廳個名有啲乜嘢關係呢？哈哈，其實我都唔知道^ _ ^我淨係知道呢個名聽落去就令到我好有記憶，有人問起我嘅時候，我實會記得有呢一間餐廳！今日叫左個二人套餐，大概有十款嘅食品，有冷盤，有湯，有主菜，有蔬菜，有炒飯，一應俱全。頭盤--燻蹄，牛展，冰鎮鮑魚。個鮑魚個樣整出嚟就覺得好似罐頭，諗住應該都唔會有乜嘢特別嘅驚喜，但係食落去完全唔似罐頭，感覺係一種炆左好耐，好入味嘅鮑魚。咬落去好淋，鮮味。就算食到落個鮑魚心入邊都會有種味道散發出來，好夠味。淮山猴頭菇螺頭燉豬展--對於平時冇乜湯水飲嘅人嚟講，呢到嘅湯水可以講話係佢嘅思物。一盅盅燉，燉兩三個鐘，火候夠，而且材料十足。你地睇下個猴頭菇幾大！明燒大蝦--大蝦夠大隻，肉質爽，多肉。汁料味道濃，火喉控制得岩岩好，汁嘅多少剛好，唔會太稀又唔會無汁。西蘭花炒鮮斑片--西蘭花經預先烚熟，爽口。班片肉質厚而嫩，唔會散，證明真係新鮮嘅魚做出，只有新鮮魚先會有呢個口感。蒜落炒菜心--簡單得嚟又絕對唔會有錯嘅菜式。籠仔蒸雞--蒸雞加左紅棗，杞子，感覺上會比較養顏，滋補。雞底下仲有粉絲同埋金菇，拒地索晒啲
今日叫左個二人套餐，大概有十款嘅食品，有冷盤，有湯，有主菜，有蔬菜，有炒飯，一應俱全。
頭盤--燻蹄，牛展，冰鎮鮑魚。個鮑魚個樣整出嚟就覺得好似罐頭，諗住應該都唔會有乜嘢特別嘅驚喜，但係食落去完全唔似罐頭，感覺係一種炆左好耐，好入味嘅鮑魚。咬落去好淋，鮮味。就算食到落個鮑魚心入邊都會有種味道散發出來，好夠味。
淮山猴頭菇螺頭燉豬展--對於平時冇乜湯水飲嘅人嚟講，呢到嘅湯水可以講話係佢嘅思物。一盅盅燉，燉兩三個鐘，火候夠，而且材料十足。你地睇下個猴頭菇幾大！
明燒大蝦--大蝦夠大隻，肉質爽，多肉。汁料味道濃，火喉控制得岩岩好，汁嘅多少剛好，唔會太稀又唔會無汁。
西蘭花炒鮮斑片--西蘭花經預先烚熟，爽口。班片肉質厚而嫩，唔會散，證明真係新鮮嘅魚做出，只有新鮮魚先會有呢個口感。
蒜落炒菜心--簡單得嚟又絕對唔會有錯嘅菜式。
籠仔蒸雞--蒸雞加左紅棗，杞子，感覺上會比較養顏，滋補。雞底下仲有粉絲同埋金菇，拒地索晒啲雞汁嘅精華，食落地有齊唒各種配料的精華。
欖菜肉碎炒飯--而家出面好少可以食到欖菜嘅製品，味香，特別。以我所記得欖菜係潮州色嘅食品，所以我就會比較熟悉，一食就知。唔知你哋有食過呢？比起蛋白瑤柱炒飯更有風味。
新蒸武門呢個名真係改得幾好，但我後今日起除左會記實呢個名之外，亦會記得拒嘅味道。
張貼
