正宗水上人氣鍋專門店 (已結業)

今日我同啲朋友一齊去食蒸氣火鍋，去咗旺角依間，因為我地見到小小店內有好多新鮮生猛嘅海鮮，我地等咗一陣就有位啦，一坐下店員就向我地介紹，飲品同海鮮，我地一行四人，點咗兩隻龍蝦，神仙粥底火鍋，桶蠔，聖子，海中蝦， 馬甲貝，黑松露扇貝，先講下龍蝦，龍蝦新鮮到切成一半落鍋蒸嘅時候仲跳緊，証明非常新鮮，肉質彈牙爽口，鮮甜到不得了，神仙粥底火鍋 係用椰子水加珍珠米加排骨，啲海鮮汁入到粥到非常好味，桶蠔好大隻好有肉汁，蟶子用上蛋黃醬，蟶子新鮮彈牙， 海中蝦用竹籤串上既時候啲蝦仲跳緊，蝦味十足新鮮可口， 馬甲貝蒸四分鐘，海水味道重仍然留存喺裏面，非常好味， 黑松露扇貝，黑松露醬非常夠味 配上新鮮嘅扇貝，無想過西式嘅黑松露醬配上中式嘅扇貝係非常之配合