吞POT 雞煲火鍋.住家菜 (已結業)

今日同friend去旺角打邊爐，試咗個蕃茄薯仔濃湯鍋，一上枱就聞到超香蕃茄味，湯底濃郁得嚟帶啲微酸，好開胃！薯仔煮到淋晒，索晒湯汁，正到爆！ 叫咗幾款料都幾高質，潮洲魚蛋彈牙有魚香，頂級雪花肥牛油脂分布均勻，淥兩淥就食得，入口即化！冬瓜片同娃娃菜吸晒湯底精華，清甜得嚟又解膩。飲品叫咗大檸茶，酸甜冰凍，同火鍋好夾，飲完即刻冇咁熱氣！ 成餐飯食得好滿足，湯底同配料都keep到水準，價錢合理，旺角區算係抵食。餐廳枱同枱之間算係闊落，適合同朋友吹水聚餐。下次一定會再encore！