影片
更多
2018-03-06
654 瀏覽
一喜日本料理! 同朋友約左好耐最後都黎左試下之前朋友食過一次，話佢份量大，性價比高，係佢既encore list餐廳唔算太大，但整齊又唔焗束牆身掛左兩幅油畫，感覺自然，座位寬敞，坐落幾舒服最吸引我既係呢個酒架，雖然我對日本酒一般，但佢勝在擺得夠靚夠襯起後邊既油畫非常搭配，非常之靚book既時候專登叫餐廳留左窗口位，雖然冇夜景，但望街會特別舒服!餐具簡單就好，唔洗太多花款見到餐廳有宇治紅豆，馬上點左一杯!一黎好耐冇飲紅豆冰，二黎宇治凍飲唔係間間餐廳都有而且做得好飲飲前先攬混，入口有甘香既茶味! 加埋煮得軟甜既紅豆，超正!先點左三文魚同帆立貝 ，份量都幾多，而且每樣都比較大件一黎到我馬上注意到佢既芥末，近睇仲見到一d粗身既粒狀感覺上似係餐廳自己磨既咁，入口辛辣味唔強，甜甜地三文魚超正，其中有三塊有魚腩，食左腩真係食唔落其他位置充滿油脂既甘香令人難以抗拒，識食真係要食魚腩!!帆立貝應該係一大粒切開四份，佐切開後仍然份量十足!帆立貝比三文魚多彈口，食落非常鮮甜!牛肉卷薄燒!上台既第二碟，真係不得不讚佢份量超哂班!牛肉卷接近有十件，中間包住蒜粒同蔥，非常香口可以睇得到佢材料十足，而且件件都咁大舊
一喜日本料理! 同朋友約左好耐最後都黎左試下
之前朋友食過一次，話佢份量大，性價比高，係佢既encore list
餐廳唔算太大，但整齊又唔焗束
牆身掛左兩幅油畫，感覺自然，座位寬敞，坐落幾舒服
最吸引我既係呢個酒架，雖然我對日本酒一般，但佢勝在擺得夠靚夠
襯起後邊既油畫非常搭配，非常之靚
book既時候專登叫餐廳留左窗口位，雖然冇夜景，但望街會特別舒服!
餐具簡單就好，唔洗太多花款
見到餐廳有宇治紅豆，馬上點左一杯!
一黎好耐冇飲紅豆冰，二黎宇治凍飲唔係間間餐廳都有而且做得好飲
飲前先攬混，入口有甘香既茶味! 加埋煮得軟甜既紅豆，超正!
先點左三文魚同帆立貝 ，份量都幾多，而且每樣都比較大件
一黎到我馬上注意到佢既芥末，近睇仲見到一d粗身既粒狀
感覺上似係餐廳自己磨既咁，入口辛辣味唔強，甜甜地
三文魚超正，其中有三塊有魚腩，食左腩真係食唔落其他位置
充滿油脂既甘香令人難以抗拒，識食真係要食魚腩!!
帆立貝應該係一大粒切開四份，佐切開後仍然份量十足!
帆立貝比三文魚多彈口，食落非常鮮甜!
牛肉卷薄燒!
上台既第二碟，真係不得不讚佢份量超哂班!
牛肉卷接近有十件，中間包住蒜粒同蔥，非常香口
可以睇得到佢材料十足，而且件件都咁大舊
燒汁配上牛肉，食落特別甜味! 但蒜味重左少少，落少d蒜牛肉味應該更出
芝麻雞翼，炸野真係冇乜機會可以整得難食
但值得一提係呢度既芝麻雞翼炸得夠夠時間，而火喉又控制得好
整個雞翼尖部份都可以連骨食!中翼部分肉質仲好juicy
炸軟殼蟹，軟殼蟹通常都係炸，所以未有機會試到新鮮軟殼蟹既味道但始終軟殼蟹細隻，肉都比較少，應該難d試到原味吧??
炸軟殼蟹粉醬完全包滿蟹殼，食落超級鬆化，充滿炸物既油香
但佢又唔會好油膩，配上天婦羅汁，食落更甜!
燒三文魚腩，食完呢個燒三文魚腩，不得不認同餐廳廚師係燒炸既手法上有頗高水平
燒到d油出哂黎，魚皮部分極其香脆，好似食緊薄身炸魚皮咁
肉既部分唔多，因為肉連住有一半都係油脂，少量三文魚肉帶起既鮮香，加上大量既油脂，真係入口即溶!!
如果唔係食得多會詔膩我一定encore
另外仲點左燒雞翼同牛舌
燒雞翼比較普通，調味上唔錯
燒牛舌超級厚身，平時食開既薄身燒牛舌比較爽口，而餐廳厚身既更顯嫩滑
而且牛舌味好重，吠落真係啖啖肉，要揀既話都係食厚身既滿足d
蟹子海鮮炒飯，份量大到以為佢係咪俾多左!?
蟹子唔算多，但入邊既海鮮好多，魷魚，蟹柳，帆立貝，樣樣都鮮味十足
但炒飯底一般 不過份量上佢真係冇可挑剔
餐廳既食物，味道同質素非常高，而且份量十分足，性價比真係超高
張貼
