蝦蝦燒

營業中

休息中

朋友介紹依間位於佐敦海鮮任食放題，餐廳海鮮每日新鮮入貨，選擇多元化，有原隻鮑魚、扇貝、生蠔等相當吸引，其中主打流水蝦，每行座位旁都有一條大水缸，裏面有好多隻生猛大頭蝦，夾完之後放入冰筒浸後再燒，有得玩有得食夠哂開心，食落蝦身厚肉入口彈牙，而家仲有個特別優惠，加$1就可以打埋邊爐，性價比高極高，邊爐嘅湯底可選擇有豬骨、麻辣或蕃茄，迎合每個人口味❤️蝦蝦晚市$348重點要讚除左全部野食任燒任食，職員服務態度亦好值得讚，佢地都好樂意幫手，教點樣燒同出手幫助，燒出黎既食物火候啱啱好，真係不得了！鍾意食海鮮，呢度絕對係一個唔好錯過嘅地方～飲品除左茶飲同罐裝飲品，仲有啤酒燒酒，呢個價錢有咁多選擇，真係性價比非常高既餐廳，最後仲可以食埋甜品雪糕，味道有芒果同芋頭等等，以任食嚟講，呢個價錢十分之抵食❤️