影片
更多
2021-07-18
20 瀏覽
屯馬線開通左之後去九龍城真係很方便，今日好朋友就幫我喺宋皇臺站附近安排一連串節目幫我慶生日。首先來個3小時嘅泰式按摩，之後就去咗龍崗道嘅「上戶酒場」，一入餐廳就受到服務員嘅殷勤招呼，加上充滿日式居酒屋嘅裝修和氣氛，真係有去咗日本新宿嘅感覺。當安排好座位之後，服務員就馬上奉上特色前菜，然後同我哋介紹清酒買一送一優惠，對於我呢個「清洒」控來講真係一大喜訊。鯷魚醬配新鮮蔬菜條自家製鯷魚醬混合左沙甸魚和多春魚，係蠟燭嘅慢熱底下，聞到濃烈嘅魚香味，再用清甜爽口嘅青瓜、蘿蔔、生菜點一口來吃，味道一流，令你食慾大增。純米大吟釀因為買一送一嘅關係，揀咗支最上等嘅 津島屋 「鎮星黃龍」，而且可以自己選擇一個自己喜歡嘅清酒杯。清酒入口十分順滑，帶點白桃味，配上美食，好快飲完一杯又一杯。金目鯛刺身 （原條）未做刺身之前，叫咗服務員攞條魚比哋影幾幅靚相先，目測足足超過一尺長，十分肥美，有神嘅大眼睛，望落好新鮮。等咗陣刺身終於出場，魚嘅外層用火輕輕燒過，逼出油脂，令你食得出更加重嘅魚油味，和魚嘅鮮甜味取得平衡。我同朋友一塊一塊咁食，冇停過。食完之後，服務員話啲魚骨和魚頭會攞去熬製魚湯。等咗一陣就奉上兩大碗雪白嘅
鯷魚醬配新鮮蔬菜條
自家製鯷魚醬混合左沙甸魚和多春魚，係蠟燭嘅慢熱底下，聞到濃烈嘅魚香味，再用清甜爽口嘅青瓜、蘿蔔、生菜點一口來吃，味道一流，令你食慾大增。
純米大吟釀
因為買一送一嘅關係，揀咗支最上等嘅 津島屋 「鎮星黃龍」，而且可以自己選擇一個自己喜歡嘅清酒杯。清酒入口十分順滑，帶點白桃味，配上美食，好快飲完一杯又一杯。
金目鯛刺身 （原條）
未做刺身之前，叫咗服務員攞條魚比哋影幾幅靚相先，目測足足超過一尺長，十分肥美，有神嘅大眼睛，望落好新鮮。等咗陣刺身終於出場，魚嘅外層用火輕輕燒過，逼出油脂，令你食得出更加重嘅魚油味，和魚嘅鮮甜味取得平衡。我同朋友一塊一塊咁食，冇停過。
食完之後，服務員話啲魚骨和魚頭會攞去熬製魚湯。等咗一陣就奉上兩大碗雪白嘅魚湯，魚味十分清甜濃郁，仲可以食到一些熟咗嘅金目鯛魚肉。今次真係成條魚都食晒，一啲都冇浪費，值得一讚。
蔥吞拿魚腩薄脆
吞拿魚蓉混入蔥粒，再鋪上米通薄脆上面，魚嘅鮮味配上米香味，相輔相成，再飲番杯清酒，感覺一流。
煙燻穴子壽司-煙燻配上鰻魚汁，再混入大量蟹子，更能帶出穴子嘅魚味，令人回味無窮。
黑松露帶子壽司-帶子嘅size 十分大隻，配上黑松露醬，完全可以唔點壽司豉油食。
赤蝦壽司-原隻赤蝦、魚頭分開上，鮮味十足
吞拿魚壽司—赤身吞拿魚腩，夠新鮮，一啲筋都冇。
豆芽韭菜炒砂肝筋
炒得好有鑊氣，砂肝筋有爽脆嘅口感，用嚟送酒一流。
牛舌薄燒
熱辣辣嘅鐵板上面放上一塊塊牛舌，再放上蒜塊和蔥粒，牛舌熟成度恰到好處，食落感覺柔嫩。
松葉蟹膏夾羅燒
滿滿嘅松葉蟹膏，蟹味濃郁幼滑，配上威化餅乾和青瓜一齊食，唔覺唔覺，又飲多咗三杯清酒。
甜品
突然見到服務員捧住一大盆甜品行到我身邊，上面寫上Happy birthday，還唱上生日歌，十分渦心。甜品包括福餅和柚子雪葩，碟上鋪排得很有藝術感，十分吸睛，同朋友喺依間居酒屋慶祝喜慶節日，一定有驚喜。
張貼
