六十六十火鍋 (已結業)

海南椰子雞湯帶出海鮮鮮甜味，湯底好多梛子同馬蹄，好足料，令到所有食物都好甜好好味。我個人認為呢間係抵食火鍋店，$248位，不設加一。有海南椰子雞湯，仲要打邊爐前先黎每人一份雞，店員教要熄火先焗5分鐘會更好食，啲雞件果然好滑。自選海鮮有八款，肉蟹上枱嘅時候仲非常生猛，亦都好多黃色嘅蟹膏。鮑魚亦都一樣好新鮮，用隻筷子篤佢，仲好有反應，呢度嘅海鮮真係食過咁多間最新鮮嘅，好似自己係海鮮店即買即煮嗰隻。扇貝好大隻，肉質亦好淋，記得一離殻又拎上黎，唔係肉質就冇咁滑㗎啦。貝類嘅份量亦相當多，放晒落去一次過撈上黎好正，而且全部都開殻，一讚！最後仲有細細粒嘅蠔同鮮魷魚，唔銀，雖然細細粒但好咬口同唔腥！最後仲有六款自選火鍋配料，美國肥牛、梅頭肉、豬紅、萵筍、手打墨魚丸、炸魚皮。肥牛好高質，完全唔似美國肥牛。