千賀水產 (已結業)

朋友生日， 見到這間放題做生日優惠，覺得好抵，入去試一試。一入座店員就把一盆新鮮海產放在我們枱上，這盆海產包括腳仲郁緊的超新鮮海蝦、鮑魚、貴妃螃、聖子、八爪魚等。鋪內每張枱都有一個磯燒爐，每個磯燒爐上面都有個特強抽氣扇，所以就算全場爆滿，一啲都唔會鼻煙到。鮑魚超鮮甜，咬入口煙煙銀銀，啖啖肉，好鮮味超回味。蝦就更加唔使講啦，頭先仲郁緊，加左啲鹽一起燒，仲更加滋味。聖子長度若有手掌心甘長，也很鮮味，只是略嫌吐沙不足，吃時有小小沙，但都值得試。食放題點都一定要嗌刺身及壽司啦，刺身非常新鮮，必吃三文魚生及大蝦刺身。本人最愛吃榴槤，埋尾叫返個榴槤波作為甜品，回味無窮。榴槤波，炸至金黃色的外皮，吃入口外脆，內軟，仲有中間包住份糧不少的榴槤蓉，咬入口榴槤蓉流出來，真係又香又好味，必食。