御尚軒 (已結業)

難得今日天氣涼涼哋，梗係去打個邊爐啦🫕。之前經開長沙灣順寧道，發覺原來內街都好幾多嘢食㗎。 我哋叫咗個椰子雞煲，個湯係用咗兩個椰子水去整。一滾起就已經聞到陣陣椰香，真材實料，有好多椰子肉🥥，清甜鮮香。一定要試下個湯底，好香好甜，啲雞肉嫩滑皮爽，雞味濃郁，而且盡吸椰子精華，除咗雞味仲食到椰香味。食完個雞煲都已經好夠好滿足。 手切新鮮肥牛🐮：打邊爐必備嘅嘅肥牛，牛肉都幾嫩滑，牛味濃郁。手切能夠保留牛肉本身的筋，食落口感更佳。 黑豚肉🐖：豚肉呈淡粉紅色，充滿油花，多汁鮮嫩，肉質細緻。 爆汁牛肉丸：牛味都幾濃，彈牙爽口。 蝦丸：蝦丸新鮮Q彈，食到粒粒蝦肉，打邊爐最好不過。 鮮蝦雲吞：個皮都算薄，餡料豐富，蝦肉新鮮爽口，都幾大隻。