天虹海鮮酒家

營業中

休息中

山長水遠去南丫島食海鮮，打電話預約嘅時候先知道原來天虹海鮮酒家有船接送，非常好。我地係中環七點上船，大約七點九到。平日去，去到唔多人我諗有五六檯，都係遊客。我地張檯係最邊邊，可以望到個海，都幾正。海鮮類叫左好多海鮮，瀨尿蝦，魷魚，蜆，聖子同鮑魚仔，全部都好好味，一定新鮮，廚師好堅，調味做得非常好，我自己特別喜歡椒鹽鮮魷，係朋友話想食嘅，自己一直都麻麻地，但係啲魷魚真係好正，皮炸都好香口，好薄嘅，魷魚好軟同平時食嘅有分別，好嘅分別。椒鹽瀨尿蝦係我另一個至愛，啲椒鹽好好味，就咁食一啲都唔覺得有問題，瀨尿蝦由蝦頭食食食食到蝦尾，不停加啲椒鹽一齊食，好香口，好地道嘅一碟海鮮。其他類驚唔夠飽，另外叫左伊麵，牛肉西蘭花同咕嚕肉。最特別係碟咕嚕肉，甜酸汁做得好好，唔會太酸，外皮香脆，肉好滑幼嫩，比好多餐廳要好。