柏 (已結業)

尖沙咀有間日本菜叫柏，朋友之前去過話幾好，難得大家放假就決定過來吃午餐，一行3人食好嘢見到有午市限定幾吸引就叫了2個，每個定食仲有味噌湯，茶碗蒸和菜沙律。湯幾濃入面有不少材料，蛋好滑又有蛋香，菜沙律的菜好新鮮而且配上微酸醬汁幾開胃。串燒六點定食入面有(雞翼，牛舌，翠玉瓜，雞肉，紅椒，免治雞肉)配上白飯都係$138，每款都燒得好香而且不油身，其中牛舌切粒厚身又軟熟。柏特盛丼入面不少款式刺身好吸引，所以看到$380忍不住叫了一份，海膽和大拖羅激新鮮又甜，汁煮鮑魚煮完好淋身入味，燒平貝爽口，當然仲有赤身漬，汁煮八爪魚….這碗其實份量十足，最後要分點給朋友先食得晒。大根鮑魚醬汁再倒上去，大根入晒醬汁味再加上大根甜甜沒有渣好味道，鮑魚彈牙再有醬汁味好特別不錯，這菜式$108抵食。濃湯金鯛燒，上面的魚麟燒過好脆仲可以一齊食，濃湯好濃郁口感厚身配上魚身已經十分滑加分不少。日本蠔口感和味道一直都覺好食，這裡有室津蠔就叫了2隻，海水味足而且口感厚身，味道十分濃，食完蠔味仲保持到係口度。見時令薄切$168都幾抵就叫了一個，今日是魴鮄魚，魚身軟熟魚味剛好不會太濃，配上微酸汁最適合。