沐白小農 (已結業)

香港開左好多間茶飲店就咁一條街都有4-5間，不過我就特別偏好呢間，時不時都會去飲下。沐白menu簡潔，會有唔同種類比你好清晰睇到想要咩類型野飲同行朋友都鐘意食竽頭類野食所以就叫（右到左）大甲竽頭竽圓鮮奶/小竽圓伯爵茶拿鐵同一杯甘蔗茶 個人最欣賞呢個竽頭竽圓鮮奶，雖則無得揀甜度，但竽泥好綿唔甜，竽圓地瓜圓都煲到好淋同埋食到有粒粒竽頭，有咬口。加上明治鮮奶，好fresh。甘蔗茶，好似咬緊蔗咁，但有少少甜，建議大家唔好少冰，溝溝佢。竽圓伯爵茶拿鐵，伯爵茶夠濃，好香茶味，建議大家飲既時候可以少冰，免得沖淡左杯茶。店員溫馨提示飲前要撈混裝修好靚又寬敞，仲有叉電線提供，又有打卡位，我覺得放工都可以黎飲下野呀！