黑門水產すいさん (Fashion Walk)

見到個個都去旅行，我都食下日本野止下癮先，主要係呢到環境真係好唔錯! 好似置身日本咁。叫左個刺身6盛，刺身件件都係厚切，睇落都新鮮。朋友自稱係三文魚達人，都話呢到既三文魚好食! 油脂分佈平均! 帶子彈牙! 海膽係甜的，唔會苦，連我平時唔太食海膽都覺得好好食。黑門令蟹味噌甲羅燒好重蟹味，配埋炸蒜碎同埋搽係梳打餅到食好夾!!黑門三文魚加洲卷加洲卷入面有蟹柳，玉子，牛油果，上面再搭上一件厚厚的三文魚，每一啖都好滿足。仲有D三文魚籽做點綴壽喜牛肉鍋好足料，鍋入面有粉絲，豆腐，娃娃菜。牛肉都好高質，擺落去幾秒就食得，仲好滑。大阪燒呢個同樣足料，鐘意佢煎到個豚肉表面好香，每一啖都係真材實料架。