十六座車仔麵

營業中

休息中

好耐冇食過車仔麪,今日去花墟買花,見隔離花園街開咗間新嘅車仔麪店,即時入去試試。店子小小,但感覺尚算乾淨企理。座位有點迫,但諗住速食就唔計較了。點了自己食車仔麪必食配搭:豬腸,豬紅,蘿蔔,見點單上有項叫金沙青嘅餸,問老闆係乜東東,老闆話係金沙骨最面層肉,又即管試下。湯係第一個驚喜,濃郁得嚟又唔似味精湯,飲完冇口乾。豬腸豬紅好入味,正!個蘿蔔都好清甜入味,但得3舊似乎少咗d。金沙青係另一個意外驚喜,我起初見似白烚豬肉唔太想食,點知試咗真係正喎,肉味濃又爽口,老闆冇介紹錯。食物質素的確唔錯,但係冇我鍾意嘅即沖凍檸茶囉。