梨滿園韓國料理

營業中

休息中

屋企人係科學園返工 今日入去接佢收工嚟咗呢間梨滿園到食韓燒放題 可能係新裝修新開嘅關係 整體嚟講環境都好好坐 而且以韓燒餐廳嚟講 呢度嘅油煙絕對唔大 每個爐上面都有獨立抽油煙機 所以唔會好似好多韓燒餐廳咁黐立立/好煙。平時韓燒放題好多間都係自己出面夾唔同種類嘅肉同熟食 而且肉類大多都有醃料 而呢度就係用紙張落單 呢度嘅A+極級牛類大部分都係冇任何醃料 但正正因為無醃料 加上本身呢度牛肉嘅來貨都算幾好 所以牛肉味濃而油脂分佈平均 唔會太韌太乾 不過因為呢度醬汁選擇唔多 所以叫咗店員畀咗碟鹽 牛肉灑上少少鹽 呢個價錢食到呢種牛肉級數都算高質 呢度肉類選擇唔算特別多 但質數算幾好 D蝦仲好大隻㖭 但最意想不到嘅係呢度嘅炸物係超級好食 我哋叫咗炸魷魚 炸豆腐同炸魚 炸漿味道調味啱啱好 又唔會過厚 食落唔會感覺好吸油且好鬆脆 而魷魚 豆腐 魚 分別仍然保留住彈牙 嫩滑 實在嘅口感 一定要試！至於飲品同雪糕就係自己喺出面自取嘅 飲品大多係汽水 如果有啲冇甜味嘅凍飲就更好了。Overall Experience唔錯。