龍亭

早排放工經過佐敦見到呢間鐵板燒裝修緊，就諗住老公生日訂位慶祝，食物有驚喜，睇得出師傅有心機研究。我叫左支美人梅酒，味道甜，酒精濃度唔高，非常適合女性飲。北海道煙三文魚特色沙律沙律新鮮爽脆，加上酸甜醬汁，幾開胃。三文魚，真鯛刺身三文魚油脂分布平均，味道濃厚；真鯛肉質爽滑。南非孔雀鮑魚；肉質彈牙北海道刺身帶子；鮮甜厚肉，煎到外皮少少焦入面柔軟。宮城縣厚切黑豚扒估唔到黑豚扒一點都唔韌，肉質厚實， 咬落去好Juicy，醬汁師傅自己調出黎，菠蘿味酸酸地解下膩。海鮮炒飯炒飯粒粒分明，炒到好香，大蝦肉質爽口彈牙。紅酒燴啤梨啤梨煮到軟林，吸收哂紅酒味，味道酸酸甜甜。