影片
更多
2023-03-30
44 瀏覽
早排行經北角，見到新開左間裝修好靚嘅台灣嘢，menu仲要有好多款式，今次經過呢頭，同朋友一齊試吓～佢蛋餅、滷肉飯、牛肉麵嗰啲招牌台灣嘢都有，仲要有一人鍋，趁天氣仲涼涼地，自己自私打返個邊爐都仲得！------------------------------🍠◖花蓮地瓜酥◗ $32地瓜酥炸得酥脆，裏面煙煙韌韌，甜度啱啱好～🍳◖古早芋泥肉鬆蛋餅◗ $39佢呢個蛋餅比較特別，外皮真係成塊蛋咁，冇咗煙煙韌韌嗰塊餅皮。裏面夾住綿綿嘅芋泥同埋肉鬆，口感幾好，又唔會太甜，但係略嫌芋泥嘅香味味道唔夠出。🍛◖慢煮豬軟骨滷肉飯◗ $65豬軟骨用咗烏醋慢煮，軟骨部份煮得軟腍入味，酸酸地一啲油膩感都冇，軟骨部位仲煮到成舊筋咁，好漿口！滷肉飯上面仲有花雕糖心蛋、小棠菜同酸菜，撈飯食唔錯！🥘◖台式香濃沙茶鍋◗ $118沙茶鍋底食到粒粒嘅口感，帶有淡淡嘅花生香氣！鍋底嘅配料都好多，有娃娃菜、牛肉片、米血糕、牛九、沙白、粟米、金菇、炸枝竹、鳴門卷、花枝丸、韭菜、蕃茄同青豆角，仲自選一個粉麵主食，揀咗紅薯粉，紅薯粉吸晒啲湯汁幾好食！🍧◖古早仙草三色芋圓◗ $38食咗台灣嘢一定要試佢個芋圓！佢個奶底偏淡味，而且
------------------------------
🍠◖花蓮地瓜酥◗ $32
地瓜酥炸得酥脆，裏面煙煙韌韌，甜度啱啱好～
🍳◖古早芋泥肉鬆蛋餅◗ $39
佢呢個蛋餅比較特別，外皮真係成塊蛋咁，冇咗煙煙韌韌嗰塊餅皮。裏面夾住綿綿嘅芋泥同埋肉鬆，口感幾好，又唔會太甜，但係略嫌芋泥嘅香味味道唔夠出。
🍛◖慢煮豬軟骨滷肉飯◗ $65
豬軟骨用咗烏醋慢煮，軟骨部份煮得軟腍入味，酸酸地一啲油膩感都冇，軟骨部位仲煮到成舊筋咁，好漿口！滷肉飯上面仲有花雕糖心蛋、小棠菜同酸菜，撈飯食唔錯！
🥘◖台式香濃沙茶鍋◗ $118
沙茶鍋底食到粒粒嘅口感，帶有淡淡嘅花生香氣！鍋底嘅配料都好多，有娃娃菜、牛肉片、米血糕、牛九、沙白、粟米、金菇、炸枝竹、鳴門卷、花枝丸、韭菜、蕃茄同青豆角，仲自選一個粉麵主食，揀咗紅薯粉，紅薯粉吸晒啲湯汁幾好食！
🍧◖古早仙草三色芋圓◗ $38
食咗台灣嘢一定要試佢個芋圓！佢個奶底偏淡味，而且芋圓嘅份量偏少，有少少失望～
🍵◖冷泡阿里山烏龍◗ +$8
🍵◖冷泡台南高山綠茶◗ +$8
🌟Encore指數：7.5/10
張貼
