影片
更多
2008-07-30
114 瀏覽
好朋友生日, 壽星女提意搞吓新意思食中菜賀壽,揀咗尖沙咀一間新開張嘅中式酒樓….佢哋好好,俾咗一間無敵大海景嘅VIP房我哋, 仲根據我哋嘅預算預先寫咗一張菜單 (雖然我哋只係得7個人)!!裝修都幾華麗, 有好多水晶燈(新派,唔係老土個隻), 結婚酒席應該有得做.服務態度都唔錯. 首先頭盤有六小碟,重點推介蜜汁燒鱔, 燒得表皮好脆!!見頭盤唔係咁大碟, 有小小擔心唔夠食!!個湯係杏汁萬壽果燉白肺, 同香港大學校友會一樣咁好味!! 我哋仲要咗以下嘅餸菜:蠔皇靈菰扣鵝掌 – 好入味!!骨香石班球 –石班用咗兩種煮法, 賣相同口感都唔錯.金銀蛋時蔬 - 好大碟!!蒜香脆皮雞 – 都幾滑同埋香脆.食食吓, 個waiter哥哥一入嚟就問邊個係壽星女, 話代表酒樓祝壽星女生日快樂!!我哋見到佢咁講,同時見到一個心形嘅梳乎厘蛋糕,上面仲有士多啤梨!! 心諗不妙啦點解咁快上咗個生日蛋糕?? 個waiter哥哥仲叫我哋唱生日歌,跟著叫壽星女切蛋糕!! 切開咗原來係豆酥梳乎厘焗飯,都真係幾搞笑!!豆酥梳乎厘焗飯 - 賣相100分,食落去就有d失望啦!!五穀米係好健康, 但係無咩味道,仲有好大嘅進步空間!!
好朋友生日, 壽星女提意搞吓新意思食中菜賀壽,揀咗尖沙咀一間新開張嘅中式酒樓….佢哋好好,俾咗一間無敵大海景嘅VIP房我哋, 仲根據我哋嘅預算預先寫咗一張菜單 (雖然我哋只係得7個人)!!
裝修都幾華麗, 有好多水晶燈(新派,唔係老土個隻), 結婚酒席應該有得做.服務態度都唔錯.
首先頭盤有六小碟,重點推介蜜汁燒鱔, 燒得表皮好脆!!見頭盤唔係咁大碟, 有小小擔心唔夠食!!
個湯係杏汁萬壽果燉白肺, 同香港大學校友會一樣咁好味!! 我哋仲要咗以下嘅餸菜:
蠔皇靈菰扣鵝掌 – 好入味!!
骨香石班球 –石班用咗兩種煮法, 賣相同口感都唔錯.
金銀蛋時蔬 - 好大碟!!
蒜香脆皮雞 – 都幾滑同埋香脆.
食食吓, 個waiter哥哥一入嚟就問邊個係壽星女, 話代表酒樓祝壽星女生日快樂!!我哋見到佢咁講,同時見到一個心形嘅梳乎厘蛋糕,上面仲有士多啤梨!! 心諗不妙啦點解咁快上咗個生日蛋糕?? 個waiter哥哥仲叫我哋唱生日歌,跟著叫壽星女切蛋糕!! 切開咗原來係豆酥梳乎厘焗飯,都真係幾搞笑!!
豆酥梳乎厘焗飯 - 賣相100分,食落去就有d失望啦!!五穀米係好健康, 但係無咩味道,仲有好大嘅進步空間!!
跟著佢哋仲送咗壽包俾我哋,見到個蒸籠仲係出煙,好開心!!因為好鍾意食中式嘅包. 點知再一次失望!!個包唔夠軟熟!!
甜品仲有芒果布甸,再加上主菜原來係好大碟, 個個都好飽,等我哋之前仲擔心唔夠食添!!
總結: 新開張嘅酒樓嚟講已經係唔錯, 若然澱粉質方面(焗飯同壽包)再改善一下, 再加多一d宣傳, 應該生意唔錯!!
張貼
