燧記廚房 (已結業)

放工拎野上朋友公司順便傾下近況，傾傾下已經夜了又肚餓，朋友驚餓親我，帶我係附近飯堂食飯， 呢到食小菜客飯幾企理唔錯。見佢有開業限定優惠二人餐只係100蚊超值喎。⚛ 黑椒牛肉 ～ 牛肉幾惹味又夠腍，有青紅椒一起炒夠鑊氣。⚛ 宮保雞丁 ～ 佢顯示一隻辣椒，入口開頭冇事，d 辣慢慢辣返出來好爽喎， 雞丁夠嫩，有好多花生粒，乾蔥和辣椒爆得好香。⚛ 時蔬 ～ 娃娃菜夠清甜，食完濃味菜式，食返d蔬菜平衡返健康。最後嘆返罐 zero 悶氣都一下掃走哂。