殿·大喜屋

營業中

休息中

位於旺角東新世紀廣場既殿大喜屋，可以話係日式放題既首選。舖位前身係做自助餐，基本上裝修完都保留咗原有餐廳嘅設計，座位寬敞，有好大既取餐區。所以除左手機點餐之外，都有好多元化嘅食物於自助餐區供應。熟食例如小龍蝦、蒸魚、豬手、涼拌特色小菜，應有盡有。飲品區除咗包裝果汁，茶之外。手搖飲品、餐酒、清酒、梅酒等等，都一應俱全。 野食一如既往，種類豐富。刺身提供牡丹蝦、雪場蟹腳、帶子等高級食材。甜品區亦都好有特色，除咗一般嘅奶凍、芝士餅、雪條、豆腐花之外，發現餐廳提供咗一些特別嘅公仔造型大福餅，得意又好食😋上餐速度快，職員好勤力收碟，嘢食上枱都熱辣辣。快啲趁新開張去試吓啦😆