陳儀興玫瑰餐廳

營業中

休息中

今年既Halloween無得去蘭桂芳，唯有留守小社區，友人放工提議喺新蒲崗揾間小菜館開餐，呢度晚市除左有撚手小菜之外還有火鍋選擇。一進店已經聞到好香既花雕醉雞煲，其餘既特色湯鍋都有十多款之多。睇左一輪後揀左魚獲至寶美顏鍋，上檯既時候真係有驚喜，大大個魚頭放喺木瓜之上好有氣勢，加埋煎封左魚尾型造出尤如水中躍動既神態，當然先唔好太早破壞呢個美姿~木瓜魚湯相當滋潤，湯頭清甜。翻一翻鍋中物用料相當十足，有海參、花膠仔、洋蔥香芹、秀珍菇、雞肶菇等配料~配料價格親民兼彈性，加$5就可以自選雙拼配搭。啱哂好似我地人少又想食多幾款~打邊爐不忘補身，鮮淮山有益氣養陰之效，滑潺潺既質感食用時能夠保護胃部黏膜，亦能幫助腸胃消化~炸過既響鈴，快速浸湯後依然香口。極品黑豚肉肉質偏實有嚼口, 肉味香濃。魚餃，雖然皮有點厚不過夠大隻芥末西芹餃，清香中帶攻鼻感，配搭得幾得意！竹笙吸收哂湯既精華，入哂味。整體不錯，下次過來試試小菜。