文記車仔麵 (福榮街)

營業中

休息中

今晚收工同伙記一齊宵夜，突然好想食車仔麵，飛車去到深水埗，可惜街邊收左，同事未食過文記，就叫佢試下，点知瀨嘢，一向深夜只有舊舖，今晚反而開新舖？排哂隊等左10分鐘左右，入得，鬼咁唔好坐，扮日式面壁食麵，人貼人，勁唔鐘意再来畀張膠咭選擇，心諗，，，咁環保？咪又出張電腦單用紙，假環保，好嘞畫完飛出完單等左成15分鐘至有得食，出品慢得離奇，我計過滿座但只得5-6個人等食，其餘吹水多，都要咁耐至有？味道還可以，但豬腸肥及不夠入味，總括深夜時份等咁耐，肚餓都等到訓着，都係舊鋪好很多，即叫即做即有，又無纸夠環保。