影片
更多
2016-05-19
384 瀏覽
男友話今晚帶我去觀塘食米芝蓮法國菜，我以為佢講笑，原來觀塘呢度真係開左間黎自法國西南部嘅米芝蓮一星餐廳。餐廳位置非常方便，觀塘地鐵站B出口行2/3分鐘已經到達電訊一代中心，再行扶手電梯上一層直行就見到。因為男友一早book左枱所以唔使等就被安排入座。餐廳以暗色為主調，天花配以過百顆明亮嘅玻璃燈泡，不會太昏暗，別具特色。望望menu, set dinner 選擇都好全面，有pasta, risotto, frites, 有豬、牛、羊、雞、魚、龍蝦。價錢由百幾至四百幾不等。睇餐廳簡介，佢融合左傳統同新派法國菜，樣樣都咁吸引，我地都好期待！等食時侍應先送上餐包，餐包熱辣辣，配自製沙律醬，麵包有3款，我最愛牛油酥條👍🏻，好酥脆，好香口！Starter黑松露火煺芝士三文治前菜食三文治我真係未試過。三文治烘得脆卜卜，塗上一層厚厚嘅黑松露醬，加上咸香火煺同半融芝士，好match好好味！法式田螺配薯蓉個presentation好特別！田螺同薯蓉放於玻璃器皿入面，加入oyster foam, 好有鮮味！大蝦野菌燴意大利飯 $188橙黃色好吸引！大蝦大大隻好彈牙夠新鮮，意大利飯略嫌淋身左少少，但吸收曬蝦汁
因為男友一早book左枱所以唔使等就被安排入座。餐廳以暗色為主調，天花配以過百顆明亮嘅玻璃燈泡，不會太昏暗，別具特色。
望望menu, set dinner 選擇都好全面，有pasta, risotto, frites, 有豬、牛、羊、雞、魚、龍蝦。價錢由百幾至四百幾不等。睇餐廳簡介，佢融合左傳統同新派法國菜，樣樣都咁吸引，我地都好期待！
等食時侍應先送上餐包，餐包熱辣辣，配自製沙律醬，麵包有3款，我最愛牛油酥條👍🏻，好酥脆，好香口！
Starter黑松露火煺芝士三文治
前菜食三文治我真係未試過。三文治烘得脆卜卜，塗上一層厚厚嘅黑松露醬，加上咸香火煺同半融芝士，好match好好味！法式田螺配薯蓉
個presentation好特別！田螺同薯蓉放於玻璃器皿入面，加入oyster foam, 好有鮮味！大蝦野菌燴意大利飯 $188
橙黃色好吸引！大蝦大大隻好彈牙夠新鮮，意大利飯略嫌淋身左少少，但吸收曬蝦汁同cream sauce，好creamy好鮮甜！M6級和牛肉眼扒配小甘筍及薯蓉 $458
呢舊牛真係冇得輸！夠曬靚！medium rare, 外層微微煎香，內𥚃粉嫩juicy, 帶有充足油脂，牛味十足，咬幾下就融化，好好味呀！Dessert (add $50)
Lemon Tart
呢個檸檬撻真係夠曬酸！但我鍾意! 細細件酸酸甜甜可以解膩添！餐茶亦是不錯，糖有白啡2種，夠細心。
我地都幾滿意呢餐法國餐，希望觀塘再進駐多啲咁正嘅餐廳👏🏻。張貼
