影片
更多
2017-09-10
392 瀏覽
今次選擇左依間素菜試下，7點幾去到，大幾等幾分鐘就有檯，餐廳一半買素食產品，一半堂食。餐廳係自助形式，自己去收銀點餐，店員會比一個響鬧器，坐底等響聲，等左不用10分鐘到就響，自己去取餐處取餐。但侍應都好helpful，幫手搬餐。餐廳環境佈置感覺好green，可以留意下牆上有唔同字句。重點推介：炸植物魚薯條，凡惠顧主菜，可以優惠價30蚊加配。入面有薯條，植物魚，沙律菜，仲有兩個醬。植物魚食落，反而覺得似麥樂雞，魚表面同薯條都脆口。加上沙律菜配搭，感覺健康些。主菜：口水雞配豆乳麵，湯底清新，素雞底下有青瓜絲同少量菇配搭，素雞面上有層腐皮，有點似雞皮，幾似真雞。唔食得好辣既朋友仔，可以要求辣醬另上。未來漢堡，有3款，是次選擇左有牛油果同芝士，牛油果熟度適中，牛肉感覺都似免治牛肉，但整體略嫌偏細，未必夠飽。紫薯沙冰，38蚊跟主菜加配，飲落不是太沙冰，但幾香。而飲管係採用環保物料製做，所以相對易爛。小食：雞槌，其實用腐竹整成，有分細份，大份，底下同樣都有沙律菜同醋，變相唔會太油膩。依間餐廳，有新派素食，可以吸引到年青人去試。雖然坐位置未必太舒服，但可見有環保概念。食品多有沙律菜配搭，著重健康。值
餐廳係自助形式，自己去收銀點餐，店員會比一個響鬧器，坐底等響聲，等左不用10分鐘到就響，自己去取餐處取餐。但侍應都好helpful，幫手搬餐。
餐廳環境佈置感覺好green，可以留意下牆上有唔同字句。
重點推介：
炸植物魚薯條，凡惠顧主菜，可以優惠價30蚊加配。入面有薯條，植物魚，沙律菜，仲有兩個醬。
植物魚食落，反而覺得似麥樂雞，魚表面同薯條都脆口。加上沙律菜配搭，感覺健康些。
主菜：
口水雞配豆乳麵，湯底清新，素雞底下有青瓜絲同少量菇配搭，素雞面上有層腐皮，有點似雞皮，幾似真雞。唔食得好辣既朋友仔，可以要求辣醬另上。
未來漢堡，有3款，是次選擇左有牛油果同芝士，牛油果熟度適中，牛肉感覺都似免治牛肉，但整體略嫌偏細，未必夠飽。
紫薯沙冰，38蚊跟主菜加配，飲落不是太沙冰，但幾香。而飲管係採用環保物料製做，所以相對易爛。
小食：
雞槌，其實用腐竹整成，有分細份，大份，底下同樣都有沙律菜同醋，變相唔會太油膩。
依間餐廳，有新派素食，可以吸引到年青人去試。雖然坐位置未必太舒服，但可見有環保概念。食品多有沙律菜配搭，著重健康。值得再去。
張貼
