餸記潮食 (已結業)

同朋友去咗大坑食晏晝飯～ 我們也很喜歡大坑的感覺，在鬧市中的一點寧靜～ 我哋叫咗兩個套餐同埋滷水燒乳鴿～主食我地叫左潮州蠔仔粥～另一個係口水雞飯～ 每一個套餐都會有湯暖一暖個胃同埋飲品～ 我哋就叫咗蜜桃紅茶～我哋首先食咗潮州蠔仔粥先，因為想清清腸胃健康一下，蠔仔粥入邊有好多蠔仔～非常足料，套餐除咗擺盤靚之外，仲會將酸菜，芫荽，胡椒粉另上，想食客自行加配料到喜歡的味道，非常細心！仲有埋滷水蛋配埋一齊食～ 蠔仔粥個粥底都好好飲，可以自己自行加胡椒粉真係好細心！口水雞飯既辣度都唔錯～ 麻辣麻辣好開胃，個雞肉都好滑～ 配埋酸菜同埋飯真係好好食～ 不得不大贊滷水燒乳鴿真係好Juicy! 咬落去啲肉汁爆曬出嚟～非常美味～ 個皮同滷水汁夾埋一齊食真心好正！餐廳裝修好新潮，將傳統潮州菜打造新潮年輕的餐廳，餐廳嘅侍應都着晒西裝，禮貌同態度都非常好，大贊大贊！