唐宮小聚 (The L. Place)

營業中

休息中

今日同幾個朋友一齊食飯，有一個啱啱喺外國返黎，所以特別想食中菜，碌咗好耐openrice，見到有間嘢叫唐宮小聚，賣啲新派啲既點心，見幾特意我地就一齊去左試啦。一行入間鋪，就見到張好大既兵乓波枱，都幾有特色。松露香菇$49一咬開好香松露味撲鼻而來，如果鐘意食松露味既嘢食真係唔可以錯過。陳釀醉蟹$69用左陳年花雕酒同話梅浸泡，好入味又充滿酒香，入口啖啖蟹黃，真心推介!  黑金流沙$49姐係流沙包，但係好靚，啲流沙亦都好香咸蛋味。 金魚戲水$59 其實姐係川汁雙色皮蛋，擺到好靚好似兩條金魚咁，啲醬汁好入味。