影片
更多
2023-11-30
24 瀏覽
同朋友嚟將軍澳 Donki 入貨，行完就順便喺附近搵食。朋友想飲茶，揀咗 Monterey Place 1 樓呢間「DHYC Dimsum Restaurant」。餐廳主打自家製手工點心，而店名「DHYC」其實係廣東話俚語，即「得閒飲茶」嘅縮寫。店舖地方不大，只有約十來張檯，裝修簡約，日照充足，門口位置可以吹住海風歎點心，加上坐擁 180° 無敵靚海景，令人心曠神怡！先開茶，再慢慢揀點心，茶芥每位 $15，揀咗桂花觀音(+$9) 同 人蔘烏龍(+$9)，前者順喉甘潤、帶濃鬱桂花香氣；後者茶味芳香、回味甘甜。窩貼蝦多士 ($88) 蝦多士炸得好香脆，鬆化又唔油膩，蝦肉爽彈味鮮，配搭牛油果醬同雜果沙律一齊食，超美味。焗叉燒包 ($38) 包身好軟熟，拿上手時仍熱辣辣，面頭嘅菠蘿皮很鬆脆，入面嘅叉燒餡味道唔錯，帶蜜汁甜香。小籠包 ($48) 小籠包新鮮即製，皮薄煙韌，夾起時唔會輕易穿破，肉餡鮮味十足，入口超多肉汁，好味。鵪鶉蛋松露燒賣 ($55) 呢籠燒賣嘅製作都幾花心思，雪白外皮下包裹著新鮮豬肉，內藏流心鵪鶉蛋，配上面頭嘅松露，食味豐富誘人。柱侯金錢肚 ($45) 金錢肚炆得好入
同朋友嚟將軍澳 Donki 入貨，行完就順便喺附近搵食。朋友想飲茶，揀咗 Monterey Place 1 樓呢間「DHYC Dimsum Restaurant」。
餐廳主打自家製手工點心，而店名「DHYC」其實係廣東話俚語，即「得閒飲茶」嘅縮寫。
店舖地方不大，只有約十來張檯，裝修簡約，日照充足，門口位置可以吹住海風歎點心，加上坐擁 180° 無敵靚海景，令人心曠神怡！
先開茶，再慢慢揀點心，茶芥每位 $15，揀咗桂花觀音(+$9) 同 人蔘烏龍(+$9)，前者順喉甘潤、帶濃鬱桂花香氣；後者茶味芳香、回味甘甜。
窩貼蝦多士 ($88) 蝦多士炸得好香脆，鬆化又唔油膩，蝦肉爽彈味鮮，配搭牛油果醬同雜果沙律一齊食，超美味。
焗叉燒包 ($38) 包身好軟熟，拿上手時仍熱辣辣，面頭嘅菠蘿皮很鬆脆，入面嘅叉燒餡味道唔錯，帶蜜汁甜香。
小籠包 ($48) 小籠包新鮮即製，皮薄煙韌，夾起時唔會輕易穿破，肉餡鮮味十足，入口超多肉汁，好味。
鵪鶉蛋松露燒賣 ($55) 呢籠燒賣嘅製作都幾花心思，雪白外皮下包裹著新鮮豬肉，內藏流心鵪鶉蛋，配上面頭嘅松露，食味豐富誘人。
柱侯金錢肚 ($45) 金錢肚炆得好入味，柱侯汁香濃惹味，完全滲晒入金錢肚內，連墊底的蘿蔔也全被消滅掉。
排骨陳村粉 ($48) 排骨蒸得啱啱好，腍滑入味，食落有肉香，陳村粉爽滑煙韌，加上索晒豉汁精華，啖啖滋味。 
蘿蔔絲酥餅 ($42) 酥餅炸得好香口，外表非常酥脆，內裡塞滿蘿蔔絲，入口有好濃蘿蔔甜味，必食之選。
XO 醬炒腸粉 ($78) 腸粉炒得好有鑊氣，辛辣度剛剛好，當中有不少蛋絲、芽菜同蔥花，令口感更有層次。
張貼
