亞蘇爾 (形點) (已結業)

今日同媽媽黎到元朗探個朋友，晚餐就去Yoho mall食飯，原來新一期已經開左，我都係第一次行新商場。新商埋進駐大量餐廳，我地去左一間澳葡菜餐廳。燕窩葡撻和香橙檸檬葡撻。澳葡菜當然要試試葡撻啦！葡撻入口唔會好甜，酥皮香脆唔油膩，焦香面層香甜滋味，加入新派味道夠特別。路環咸魚炒椰菜苗。椰菜苗清甜唔苦，入口爽脆帶點咸香，咸魚味道突出濃香炒得好惹味。米通墨魚餅。我對墨魚餅有特別喜愛，鐘意入口彈牙有咬口，外層脆卜卜口感非常特別，而且唔會油膩岩我口味。乳豬脆包。脆豬做麵包餡料好吸引，乳豬咸香肉嫩，麵包香脆夠香口，好鐘意脆豬帶點肉汁唔會乾。