心夜來潮 (已結業)

今日同班朋友出旺角行街，行到唔知時間深夜想搵個地方食宵夜，經過見到呢間心夜來潮，收零晨4點，正，岩哂一班夜鬼一坐底，睇睇餐牌，原來食潮洲菜可能因為是深夜時段😂所以無咩人，裝修簡約整齊。睇下有咩食先，有潮洲砂窩粥，仲有好多配料選擇，粥有大有細，就算少人黎食都唔驚食唔哂因為大家都是無辣不歡，叫左個麻煩魚卜煲，一上菜，麻辣漂香撲鼻原本想加埋魚春。可惜售罄了，下次一定要再叫。呢個煲分量都十足，都有好多魚卜係入面，岩哂我地，大家唔使爭😂。入面仲有木耳呀，蓮藕呀，芹菜呀，蓮藕好出色，卜卜脆嘩，賣相已經贏左，夠哂睇頭既鴨蛋豪餅，足夠4個人食有餘。好有鴨蛋香，外脆內軟，蠔仔亦落得大方潮式啫啫通菜煲，好香，微微辣，好香蝦米味我地叫左個細砂鍋粥，揀左黃膳，田雞，螺片，花甲王做配料。一拎出黎，睇到個樣都好正😂香噴噴，滾到出哂煙飯粒分明，一食落口，大家都覺得好好食，好濃味，又夠鮮，完全唔需要落鹽，胡椒粉去調味 因為好鮮味，要食原汁原味，大家好快食完一碗都覺得早知叫鍋大既😂好食到唔夠喉整體黎講，絕對係宵夜好去處，收得夜，又唔想食到噤飽，食鍋粥暖暖胃最後仲有個甜品送比我地，啫喱糖，唔會太甜