吃扒 (已結業)

呢排發現旺角有一間新派嘅扒房，裝修都幾靚環境都幾精緻，所以就約左個朋友，一齊去試下。餐廳meun 有好多，唔想食扒餐都可以食下意粉。主餐可以加$25升級套餐，有埋湯、餐包、飲品、甜品，所以$25真係好抵加！熱熔芝士紐西蘭牛柳職員會係你面前用火即場熱熔啲芝士，再倒落啲扒度，有得睇又有得食！色香味俱全！吃扒什扒一個餐有齊煎蛋、豬扒、牛扒、雞扒、煙肉、牛仔腸，十分豐富，係大食人士嘅福音。雪糕菠蘿冰菠蘿味濃，雪糕都有淡淡嘅菠蘿味，成杯野好refresh!以質素、環境同性價比黎講，呢間餐廳都屬於中上，值得一試。